【雙面人】習近平專家陸克文 vs 澳洲總理陸克文．一早睇穿中國唔會變嘅殘酷現實主義者 #利世民

陸克文（Kevin Rudd）——前澳洲總理、前外交官、依家亞洲協會全球會長，一個識講流利普通話、連仔女都改咗中文名嘅「中國Tone」。做總理嗰陣佢諍友，跑去牛津讀完博士寫咗一本《論習近平》，就話呢個人真係馬列主義嘅信徒，你唔好諗中國會變。呢個轉變，係佢終於睇清楚咗，定係做外交官冇工開先變臉？ 陸克文由昆士蘭一個唔算富裕嘅家庭出身，讀大學主修中國語言歷史，畢業論文寫魏京生。八十年代做外交官駐北京，八九六四嗰年佢自己走過去天安門廣場，同學生傾過偈。廈門見過當時仲係副市長嘅習近平，多年後兩人喺坎培拉總理官邸用普通話傾咗兩個鐘頭。佢私下同美國國務卿希拉莉講，自己係對中國嘅殘酷現實主義者——中國唔會變，一定會維持一黨專政。但同一時間，佢喺公開場合用嘅係諍友呢種留有餘地嘅外交語言。呢個公開形象同私下判斷嘅落差，唔係虛偽兩個字可以簡單概括，係外交官呢行嘅職業要求——你要將真實判斷同可以公開講嘅話，分開兩個帳戶管理。 2013年卸任總理之後，陸克文跑去牛津重新讀博士，逼自己將習近平所有公開發表過嘅文字讀一遍。論文後來變成《論習近平》，佢喺書入面話，習近平係一個真正嘅馬列主義信徒。呢一點，其實同佢自己標榜嘅「政治現實主義者」身份有啲自相矛盾——純粹嘅現實主義者，根本唔會咁著緊意識形態。 00:00:00 屁股指揮腦袋：陸克文係咪熊貓擁抱者 00:02:32 三個陸克文：昆士蘭仔、外交官、Kevin Rudd 00:05:45 政治現實主義者是什麼：不是利益，是「It is what it is」 00:08:39 澳中論述不對等：泱泱大國十幾倍FDI vs「最大貿易夥伴」 00:10:39 忠誠只是共同利益：陸克文自己承認嘅殘酷現實主義 00:12:39 廈門到北京：陸克文同習近平幾次交手 00:14:03 神又是你鬼又是你：公開講話同私下判斷嘅落差 00:17:22 帝國定義同帝國主義嘅日本源頭 00:20:01 轉軚定係卸任冇工開：陸克文重新包裝做中國通 00:22:11 《論習近平》：牛津博士論文點樣變成一本書 00:23:20 馬列主義的信徒：陸克文自己都自相矛盾 00:26:47 北大演講2008：諍友定係老朋友 00:29:11 馮客同《人民三部曲》：89年之後從未軟過 00:31:06 凱大熊同莫納什：兩國兩制嘅美國人 00:33:14 純學者vs外交官：氧氣同準入嘅分別 00:35:05 唔好簡化：唔係收咗邊個錢咁簡單 00:38:30 睇中文嘅優勢：不平等條約、帝國，全部係日本輸入嘅詞 00:41:52 華國鋒同薄熙來：如果換咗個人歷史會唔會唔同 00:44:53 讀歷史唔係讀個人：陸克文係時代嘅產物 00:45:20 適者生存：最現實主義嘅一個說法 【實用經濟學】 https://www.youtube.com/playlist?list=PL1brW0oZPkC9pxQnkdfBCzXlFdNvPJIwt 【日常政治學】 https://www.youtube.com/playlist?list=PL1brW0oZPkC-DwHEDxc62um_jS3jzkVK6 【時事短打】 https://www.youtube.com/playlist?list=PL1brW0oZPkC9Dg_Y8OIgPeiADbd58_zQN 如果你覺得我嘅分享畀到你唔同嘅睇法，希望你會願意加入成為會員支持我繼續發聲： https://www.youtube.com/channel/UCrQ2dUU2C_dtkbav78GoUEg/join 此頻道既為香港人而設，內容以粵語為本。 利世民，香港人，自媒體 unsubject 主筆，自由主義者，樂天知命，不問鬼神。形而上虛無主義者。角色屬性混沌中立；長期處於身份存在危機；總覺得三言兩語間未能介紹自己。過去四分一世紀，平均每半年有個新興趣；課題涵蓋物理心理、政治經濟、歷史、宗教、哲學。 https://www.youtube.com/watch?v=YfZLGNzlcBQ